پاکستان دہشت گردی دے خلاف جنگ اچ سرگرم شراکت دار ہے، پاکستان افغانستان دے نال سرحد تے دشوار گزار علاقے اچ شدت پسنداں ولوںاستعمال کیتیاں ونجنڑ آلیاں ساریاں پناہ گاہیں کوں منڈھوں مکایا ہے ،پاکستان اچ اے تاثر ہے جو دہشت گردی دی لعنت دے خلاف ایندیاں ساریاں کوششاں کوں امریکہ ولوں پذیرائی کائنی ڈتی گی
واشنگٹن ۔ 21 ستمبر (اے پی پی) وزیر اعظم شاہد خاقان عباسی آکھیا ہے جو پاکستان دہشت گردی دے خلاف جنگ اچ سرگرم شراکت دار ہے، پاکستان افغانستان دے نال سرحد تے دشوار گزار علاقے اچ شدت پسنداں ولوںاستعمال کیتیاں ونجنڑ آلیاں ساریاں پناہ گاہیں کوں منڈھوں مکایا ہے۔اے گالھ انہاں ” نیو یارک ٹائمز“ کو ں ڈتے گے انٹر ویو اچ آکھی جیرھا جو بدھ کوں چھپ گیا ۔وزیر اعظم جیرھے جو اقوام متحدہ جنرل اسمبلی دے اجلاس اچ شرکت سانگے نیو یارک اچ ہن ، انہاں آکھیا جو پاکستان اچ اے تاثر ہے جو دہشت گردی دی لعنت دے خلاف ایندیاں کوششاں کوں امریکہ ولوں پذیرائی کائنی ڈتی گی تے اساکوں قربانی دا بکرا بنڑایا ویندا پیا ہے ۔انہاں آکھیا جو اساں دہشت گردی دے خلاف فعال پاٹنر ہوں ۔اے امر اتھاں قابل ذکر ہے جو جیویں امریکی میڈیا رپورٹ اچ تھیا ہے پاکستان دے حوالے نال نویں امریکی پالیسی تے بھارت دے پاسے ایندا جھکاﺅ نال ملک اچ ودھ سارا رد عمل پاتا ویندا ہے تے تجزیہ نگاراں خبردار کیتا ہے جو نویں امریکی پالیسی دے کارگر تھیونڑ دا امکان کائنی تے ایندے توں افغانستان اچ امن دے مقصد سانگے اوکھ پیدا تھی ویسی جڈاں جو ڈوجھے پاسے پاکستان جیں دہشت گردی دے خلاف عالمی جنگ اچ باری قیمت ڈتی ہے کئی واری ایں امر تے زور ڈتا ہے جو دہشت گرداں دے خلاف بلا امتیاز کاروائی کریندا پیا ہے تے بہوں سارے انتہا پسند بھجدے پے ہن انہاں ہمسایہ افغانستان اچ پناہ گھدی ہوئی ہے ۔وزیر اعظم نیو یارک ٹائمز کوں انٹرویو اچ آکھیا جو پاکستان دی مسلح فوج افغانستان دے نال سرحد تے دہشت گردوں دے زیر استعمال سارے ٹھکانڑیں دی بیخ کنی کیتی ہے۔ شاہد خاقان عباسی ڈو ٹوک الفاظ اچ آکھیا جو پاکستان دی فوج علاقے تے ولا کنٹرول حاصل کیتا ہے تے ہنڑ دہشت گرداں دا قطعی طور تے کوئی ٹھکانڑاں کائنی ۔
متعلقہ مضامین
-
Nawaz Sharif’s visit to London ‘concerning’, should not be used as a reason to escape accountability: PTI spokesperson Fawad Chaudhry
-
Govt presents Rs 5tr federal budget today
-
ЛКС Чарм: путь к успеху и влиянию
-
آسیا دريگن: جادugarounding بر اساس و
-
ڈریگن: اورلد کے مایسترس
-
ایشیا ڈریگن: ایک جادوی کلاسیک مہم
-
ئیشیاء ڈریگن: یہ عہد بھر میں ایک سىنگل ہے
-
آگے چلا جاتا ہے گرم
-
الحياة الساخنة
-
گرم سے زیادہ گرم
-
نقدی پھٹنا: ایک ابرور در فرایند اجتماعی
-
نقدی پھٹنا: ایک جادوی کے طریقے کی عمیق تحلیل