اسلام آباد – 11 – جولائي (اي پي پي) پاڪستان غزه جي چئن اسڪولن تي اسرائيلي قابض فوج جي انڌاڌنڌ حملن جي سخت مذمت ڪندي چيو آهي ته اهي حملا غزه جي ماڻهن جي خلاف اسرائيل جي نسل ڪشيءَ جي مهم هڪ ٻيو ثبوت آهي. پرڏيهي آفيس جي ترجمان ممتاز زهره بلوچ پريس بريفنگ ۾ چيو ته انهن حملن جي نتيجي ۾ اتي پناهه وٺندڙ درجنين عورتن ۽ ٻارن جو قتل عام ٿيو. ترجمان چيو ته شهري آبادين ۽ سهولتن کي انڌاڌنڌ نشانو بڻائڻ عالمي قانونن جي سنگين خلاف ورزي آهي ۽ جنگي ڏوهن جو حصو آهي. پنهنجي تازه ترين قدمن سان اسرائيلي قابض فوج هڪ ڀيرو ٻيهر عالمي قانون ۽ شائستگي جي بنيادي اصولن ۽ قابل قبول عالمي طرز عمل جي توهين جو مظاهرو ڪيو آهي. هن چيو ته عالمي انساني قانون جي انهن واضح خلاف ورزين کي نئون معمول بڻجڻ جي اجازت نه هجڻ گهرجي. ترجمان چيو ته اسان عالمي برادري کان مطالبو ڪريون ٿا ته اهي اسرائيل جي دهشتگردي ۽ فلسطيني عوام جي خلاف نسل ڪشيءَ جي مهم کي فوري طور تي ختم ڪرڻ جي لاءِ فوري قدم کڻي. هن چيو ته هاڻي وقت اچي ويو آهي ته اسرائيل کي ان جي ڏوهن ۽ عالمي انساني ۽ انساني حقن جي قانون جي واضح خلاف ورزين جي لاءِ جوابده قرار ڏنو وڃي.
پاڪستان پاران غزه جي چئن اسڪولن تي اسرائيلي قابض فوج جي انڌاڌنڌ حملن جي سخت مذمت
اسلام آباد – 11 – جولائي (اي پي پي) پاڪستان غزه جي چئن اسڪولن تي اسرائيلي قابض فوج جي انڌاڌنڌ حملن جي سخت...
مضمون کا ماخذ : اولمپس کے خدا
