اسلام آباد – 03 – اپريل (اي پي پي) وزيراعظم محمد شهباز شريف چيو آهي ته اسان سدائين ملڪ کي مشڪل حالتن مان ڪڍيو، اهڙو وقت ايندو جو حالتون بدلجي وينديون، اهو منهنجو ايمان آهي، آءِ ايم ايف جي آخري شرط تي ڳالهه ٻولهه جاري آهي، عمران خان پاڪستان کي معاشي ڌٻڻ ۾ ڦاسائي ڇڏيو، دوست ملڪن جي خلاف اڳوڻي حڪمرانن بدزباني ڪئي، گذريل حڪومت جي آءِ ايم ايف پروگرام جي ڪري مهانگائي جي لهر اچي رهي آهي. مسلم ليگ (ن) جي ميڊيا سيل پاران جاري بيان موجب وزيراعظم محمد شهباز شريف جي صدارت ۾ مسلم ليگ (ن) جي پارلياماني پارٽي جو اجلاس پارليامينٽ هائوس ۾ ٿيو. وزيراعظم چيو ته اسان سدائين ملڪ کي مشڪل حالتن مان ڪڍيو، حالتون ڳنڀير آهن پر اسان جي نيت صاف آهي، انشاءَ الله حالتون بهتر ٿينديون، منهنجو ايمان آهي ته اهڙو وقت ايندو جو حالتون بدلجي وينديون. هن چيو ته آءِ ايم ايف وفاقي حڪومت جا هٿ پير ٻڌي ڇڏيا آهن، آءِ ايم ايف جون اڳواٽ شرطون مڃي ورتيون آهن، گذريل حڪومت جي آءِ ايم ايف پروگرام جي ڪري مهانگائي جي لهر اچي رهي آهي، آءِ ايم ايف جي آخري شرط تي ڳالهه ٻولهه جاري آهي. هن چيو ته 10 ڪروڙ غريب خاندانن کي مفت اٽو فراهم ڪرڻ جي شروعات ڪئي، پنجاب، خيبرپختونخواهه ۽ اسلام آباد ۾ غريبن کي رمضان ۾ مفت اٽو فراهم ڪري رهيا آهيون. وزيراعظم چيو ته ڀائر ملڪ پاڪستان جي وڏي مدد ڪري رهيا آهن، وزيراعظم محمد نواز شريف جي قيادت ۾ 2014ع کان 2018ع تائين پاڪستان ترقي جي رستي تي گامزن هو. هن چيو ته ملڪ کي ٻوڏ جي تباهي آڻيندڙ صورتحال کي منهن ڏيڻو پيو، 100 ارب رپيا رڳو وفاق کان ٻوڏ متاثرين کي ڏنا ويا آهن. هن چيو ته عمران خان پاڪستان کي معاشي ڌٻڻ ۾ ڦاسائي ڇڏيو، دوست ملڪن جي خلاف اڳوڻي حڪمرانن بدزباني ڪئي، چين جي منصوبن تي سنگين الزام هنيا ويا، عمران خان ۽ حوارين چيو ته چين جي منصوبن ۾ 45 سيڪڙو ڪرپشن ٿي، چين 30 ارب ڊالر جي سيڙپڪاري ڪئي ۽ انهي مددگار دوست تي ڪڌا الزام هنيا ويا. هن چيو ته اسرائيل سان واپار شروع ڪرڻ جو ڪوڙ ڦهلايو پيو وڃي جيڪو مذمت جوڳو آهي، هڪ انفرادي شخص جو پاڪستان حڪومت جي پاليسي سان ڪهڙو تعلق؟ فلسطينين کي حق ملڻ تائين پاڪستان پنهنجي اصولي موقف تي قائم رهندو. هن چيو ته عمران خان پاڪستان کي مشڪلاتن ۾ مبتلا ڪيو، پاڪستان جي ساک کي داءُ تي لڳائي ڇڏيو، عمران خان سخت ترين شرطن تي آءِ ايم ايف پروگرام تي صحيحون ڪيون، پوءِ پاڻ خلاف ورزي ڪري ان پروگرام کي معطل ڪري ڇڏيو، عمران خان آءِ ايم ايف پروگرام ناڪام بڻائڻ جي سازش ڪئي، عمران خان جا وزير سڳ سوڌو سازش ڪندي پڪڙيا ويا، عمران خان دور ۾ ججن کي ڌمڪيون مليون، ريفرنس داخل ٿيا. وزيراعظم پارٽي ميمبرن جي عزم ۽ همت ۽ وفاداري کي خراج تحسين پيش ڪيو ۽ چيو ته رياست بچائڻ جي لاءِ سياست قربان ڪري ڇڏي، پاڪستان بچي ويو ته سڀ خير آهي، پاڪستان کي نقصان پهچي ته اسان سڀ نقصان ۾ آهيون، انشاءَ الله وقت بدلجندو، نواز شريف جي قيادت ۾ مسلم ليگ (ن) ملڪ کي مسئلن مان ڪڍندي. هن چيو ته معاشي بهتري جي لاءِ سياسي استحڪام لازمي آهي، سياسي عدم استحڪام پيدا ڪندڙن کي عدالت کان ڏينهن رات ريليف ملي رهيو آهي، اسان جي قيادت ۽ ميمبرن سان رويو ڪجهه ٻيو هو. هن چيو ته عمران خان جي گهرواريءَ عوامي نمائنده ۽ سرڪاري عهديدار نه هئي ته مريم نواز شريف وٽ ڪهڙو عهدو هو؟ اهو ترازو جي پلڙن جو فرق آهي. هن چيو ته پاڪستان اڄ حقيقت ۾ تاريخ جي نازڪ ترين موڙ مان گذري رهيو آهي، سڀني کي گڏجي فسطائيت جو مقابلو ڪرڻو پوندو، توهان جون قربانيون رائيگان نه وينديون، دعا آهي ته منهنجي زندگي ۾ ملڪ معاشي تنگدستي مان نڪري اچي يا گهٽ ۾ گهٽ ان ۾ وڏي حد تائين بهتري اچي وڃي. وزيراعظم شهباز شريف پارٽي جي ميمبرن ۽ اڳواڻن کي زبردست خراج تحسين پيش ڪندي چيو ته توهان مشڪل ترين حالتن ۾ قائد محمد نواز شريف ۽ پارٽي جو ڄمي ساٿ ڏنو، توهان مشڪل ترين حالتن ۾ جبل بڻجي پارٽي ۽ قيادت سان گڏ بيٺل رهيا، توهان تي فخر آهي. قانون واري وفاقي وزير سينيٽر اعظم نذير تارڙ ۽ ناڻي واري وفاقي وزير اسحاق ڊار پارلياماني پارٽي جي اجلاس کي بريفنگ ڏني.
اسان سدائين ملڪ کي مشڪل حالتن مان ڪڍيو، اهڙو وقت ايندو جو حالتون بدلجي وينديون: وزيراعظم محمد شهباز شريف
اسلام آباد – 03 – اپريل (اي پي پي) وزيراعظم محمد شهباز شريف چيو آهي ته اسان سدائين ملڪ کي مشڪل حالتن مان ڪڍيو،...
مضمون کا ماخذ : dupla sena acumulada
.jpg)
